Euskaraldia aitzakiatzat hartuta, bere esperientzia kontatu du bakarrizketariak. Izan ere, bere gurasoak eta aiton-amonak ez dira euskaldunak eta berak euskara ikasi du ikastolara bideratu zutelako. Hori dela eta, berarentzat "ariketa berezia" dela aitortu du eta, era berean "erronka polita".
Hirugarren edizio honetan, Euskaraldia "egonkortuta" dagoela kontuan izanik, herritarrek erronkak eta lorpenak azaleratzeari ere eman dio balioa. Hori dela eta, herritarrak animatu ditu horretan jartzera indarrak, txapa jartzearen eta izena ematearen garrantzia azpimarratuz.
Saioa baliatuz, izen-emate mahaia ere jarri dute Herri Batzordeko kideek. Haiek adierazi dutenez, halaber, egubakoitzetik hona 31 elgetarrek eman dute izena.
