Askotariko trikimailuak egin ditu Ian magoak, eta harridura aurpegiak eragin ditu behin baino gehiagotan. Ozkarbi elkarteak beheko solairuan duen agertoki txikian gauza sinestezin ugari gertatu dira gaur, eta ikusleak adi-adi izan ditu magoak. Asko elkartu dira, gainera.
Magoak egin ditu trikimailuak pilotekin, kartekin, sokekin... eta guztia bertatik bertara eta laguntzeko prest agertu diren boluntario pilarekin. Txandaka joan dira pasatzen agertoki gainetik. Bat baino gehiago oraindik ere pentsatzen egongo da: "Nola egin ote du?".
Unai Cantabrana 20:00etan
Unai Cantabrana abeslari elgetarrak hartu du lekukoa Ozkarbiko agertokian, 20:00etan. Musikari gazteak ohikoa duen emanaldi formatua egingo du, tartean azken boladan prestatutako kantu berriak eskainiz. Sarrera doan da.
