Eguaztenean elkartu zen Elgetako Euskaraldia Batzordea, eta elgetarren izen-ematea sustatzea izango dute hurrengo asteetako egiteko nagusia. Gaur egun, hamahiru arigune, 72 ahobizi eta hamabost belarriprest daude izena emanda herrian. 2018an, 220 ahobizi eta 42 belarriprest izan ziren; eta 2020an, 173 ahobizi, 27 belarriprest eta hogei arigune.
Izen-ematea sustatzeko egunak datoz, eta gaur arratsaldean mahaia jarriko du batzordeak plaza inguruan. Horrekin batera, salgai izango dira Euskaraldia girotzeko ateratako banderatxoak. Bost euroko prezioan egongo dira salgai.
