Kantsatzeke mendi taldeak prest du urriko irteera. Iraileko irteera Urbasara egin zuten eta urrian Altzaniako mendilerrora egingo dute. "Hasi Lezeko kobazulotik egingo gara, tipi-tapa, tipi-tapa, aldapan gora. Ibilbidean zehar hainbat tontor pasako ditugu, baina, gure helburua Arbarain edo Irumuga izango da. Izenak dioen moduan hiru lurraldek egiten dute muga bertan: Arabak, Gipuzkoak eta Nafarroak".
Izen-ematea zabalik
Taldea 08:00etan abiatuko da autoetan Elgetatik. Antolatzaileek iragarri dute lau bat orduko mendi buelta izango dela. Izen-ematea bihar, eguena, amaituko da. Interesatuek ohiko bideak erabili behar dituzte: Facebook profila, kantsatzeke@gmail.com helbide elektronikoa edo 690 74 00 56 (Whatsapp).