Goizaldeko bostetarako apurtuta zegoen kristal bikoitzeko leihoa, eta zantzu guztien arabera bertatik sartu dira. Zehatzago begiratu beharra dago, baina hasiera batean Ozkarbi elkarteko ordezkariek ez dute gauza handirik sumatu faltan. Likore botilaren bat eta kaxoiren bat aterata eta lurrera botata.
Esan behar da Ozkarbi elkartean urteak direla ez dela dirurik egoten, bertako jan-edanak giltza baten bidez digitalki ordaintzen dira-eta.
Ertzainak 07:45ak bueltan heldu dira eta miaketa lanak egin dituzte bai elkarte barruan bai inguruetan. Ikerketa zabalik da.
