Intxortako Lehoiak peñak festetan antolatzen dituen Athletic-Reala norgehiagoka herrikoiak jokatuko dituzte domeka goizean, 11:30ean hasita. Lehen partida neska-mutikoek jokatuko dute, eta ondoren, emakumezkoen eta gizonezkoen txanda izango da. Antolatzaileek aurreratu dutenez, hogei minutuko bi zati izango ditu partida bakoitzak.
Aste honetan zabaldu dute izen-ematea, eta ohiko tabernetan egin ahal izango da: Haizea tabernan eta Bolatoki eta Lola jatetxeetan. Domekara arte eman ahal izango da izena, "azkenean, parte hartzeko ekintza baita". Halaber, herritarrak parte hartzera animatu ditu peñak.
Bestalde, aurreratu dute aurten ez dutela feriako produktuekin osatutako orgaren zozketarik egingo: "Sentitzen dugu, baina hurrengo urtean izan beharko du". Dena den, zapatuan, txitxi-burruntziak emango dituzte, "doan edo borondatearen truke".
