San Fermin egun bezperan Gipuzkoako kostaldera egingo dute Xalbadorpe elkarteko erretiratuek. Hondarribia izango dute helmuga eta bertako batzokian egingo dute bazkaria. Aurretik, Jaizkibel ingurua ikusi nahi dute, eta Guadalupen egingo dute eguneko lehen geldialdia hamarretakoa egiteko.
Hurrengo domekan, hilaren 26an, zabalduko dute izena emateko aukera. Ozkarbi elkartean izango dira zuzendaritza batzordeko kideak, 11:00etatik 12:30era, zeregin horretarako. Prezioa 30 euro da.
Horrekin batera, urteko kuota ere kobratuko dute. Kuota hori 10 euro da.