Elgetako Udaleko gazteleku zerbitzutik antolatua, LH-6ko, DBH-1eko, DBH-2ko eta DBH-3ko gazteei zuzendutako proposamena da. Troka Abentura Natura enpresak gidatuko du Elgetako Gaztekonkis lehiaketa, eta gazteek sei bat proba egin beharko dituzte Asentzioko putzu inguruan.
Izen-ematea zabalik da, Elgeta.eus atarian, eta beranduenez hilaren 23an egin behar da. Parte hartzeko ezinbestekoa da haurren arduradunek baimena sinatzea. Agiria udal webgunetik deskarga daiteke. Prezioa 5 euro da, eta hogei plaza daude. Interesatuek kontu korrontea eman behar dute izena ematerakoan. Lehiaketa 11:00etan hasiko da eta pare bat ordu iraungo ditu.