Hainbat gurasoren laguntzarekin aurreko martitzenean lekualdatu zuen pianoa Elgetako musika gelako irakasle Lorea Larrañagak. Hala, aurreko aste osoan antzokian egin zituzten musika saioak ikasleek.
Helburua ez zen nolanahikoa; aspaldiko partez ikasturte amaierako emanaldia egitea jendaurrean. Eta halaxe izan zen. Zapatu eguerdian ordubete inguruko saioa egin zuten. Pianoa, gitarra, gitarra elektrikoa, soinua, bonbardinoa eta biolina jo zuten neska-mutikoek. Tailerreko umeek kantuan egingo zuten, eta musika hezkuntzakoak ere bai.
Aurreko ikasturteak ez dira errazak izan. Musika eskolek aurrera egin dute beti, baina neurri berezi askorekin. "Zoragarria izan da nolabaiteko normaltasunera itzultzea. Desiratzen geunden", esan du Larrañagak.