Ezaguna da herrian Egizabaldarren mendi lasterketarako grina. Domekan, esaterako, Zegama-Aizkorri Junior proban izan ziren bi anaia nagusiak; Martin eta Pablo. 16-18 ute arteko lasterkarien lasterketa da eta 10,4 kilometroko distantzia du. Martin Egizabalek 53:16 denbora egin zuen, eta urtebete gazteagoa den Pablo Egizabalek 55:21.
Intxortara hamar aldiz
Bere buruari jarri dio erronka, orain, Pablo Egizabalek. Bihar, eguaztena, hamar aldiz igo nahi du Intxortara jarraian. 08:00etan abiatuko da Elgetako plazatik eta hamar aldiz eman nahi dio bira Intxortako haize-orratzari. "Kalkulatzen dut bost ordutik behera egin dezakedala, baina karranpen arabera izango da hori", azaldu du.
