Liburutegiak gaur egingo ditu Liburuaren Nazioarteko Egunarekin lotutako ekitaldiak. Udal liburuzainak kalera aterako ditu liburuak, eta mahaia ipiniko du plazan 16:00etatik aurrera. Horrekin batera, KontuKabi taldeko lagunek Ipuin katramilatuak ikuskizuna egingo dute 17:30ean.
Vanessa Gonzalez eta Maider Alcelay kontalariek osatzen dute KontuKabi taldea. Ipuin katramilatuak izeneko ikuskizuna egingo dute, 17:30ean, plazan. "Txanogorritxu ipuin tradizionala den honetatik, 399° desbideratuko gara abentura berri bat biziz. Gorritxoren ipuinetik abiatuko gara. Saio honetan, haur eta nagusien plazererako, musika eta dantzak tartekatuko dira Txanogorritxuk basoan barrena egingo duen bide-lagun bilakatuz", aurreratu dute.
Aurretik, 16:00etatik 18:30era, udal liburuzain Geaxi Ezpeletak plazara aterako ditu zerbitzuko hainbat liburu. Zerbitzuaren gaineko informazioa zabalduko du.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
