Errigoraren udaberriko kanpainak Nafar hegoaldeko uzta eskutik eskura du izena. Martxoaren 30era arte egongo da aukera eskatzeko Agerreko –Nafarroa hegoalde eta erdialdeko– oliba-olio birjina estra eta kontserbak, arroza, pasta eta lekale-sortak. Olioa bidoietan eskaintzen da, eta gainerako produktuak hamabi unitateka.
Errigorak euskararen aldeko mugimendua sortu nahi du Nafarroa hegoaldean. Herrigintza eta auzolan ariketa handia da. 2013a ezkero, 1.400.000 euro baino gehiago bideratu dira euskara sustatzera. AEK, Ikastolen Elkartea, Sortzen Elkartea eta Agerraldia ekimena dira bide- lagun nagusiak.
