Urtero moduan federatzeko eta elkarteko bazkide egiteko egunak jarri ditu Kantsatzeke mendi elkarteak. Urtarrileko martitzenetan izango da horretarako aukera kultura etxeko bigarren solairuan elkarteak duen gelan.
Aurreko martitzenean egin zuten lehen hitzordua, eta gaurkoa izango da bigarrena. Beste bi hitzordu gehiago daude finkatuta; hilaren 18a eta 25a. Ordutegi berdina da aldiro; 19:00etatik 20:00etara.
Eskaerak online egiteko aukera
Eskaerak etxetik egiteko aukera ere izango da aurten. Bete beharreko formularioa jarri dute eskuragarri elkartetik. Honakoa da. "Formularioa betetzerakoan zalantzaren bat izanez gero, idatzi lasai, azalduko dizuegu-eta", gaineratu dute.