Bi izan dira gaur eguerdian Elgetako udal pilotalekuan jokatu diren finalak. Emakumezkoena izan da lehenengoa eta aurrez aurre izan dira Maitena Mañarikua-Irune Diaz eta Irune Errasti-Naiara Cap bikoteak. Mañarikuak eta Diazek jantzi dute txapela bana norgehiagoka 22-09 irabazita.
Gizonezkoen finalean nor baino nor aritu dira Mikel Beretxinaga-Diego Cantabrana eta Beñat Arabaolaza-Josu Horrillo bikoteak. Norgehiagoka hori 22-12 amaitu da garaipena Beretxinagarendako eta Cantabranarendako izanik.
Sari banaketarekin eman diote amaiera txapelketari. Sari espontaneo bat ere izan da gaurkoan. Errebelazio Saria izan da, eta Diego Cantabranak jaso du publikoaren txalo zaparrada artean.