Ikasleek egindako habi-kutxa eta jantokia daude eskola ondoko zuhaitzetan

Ikasle taldea Aranzadiko dinamizatzailearekin habi-kutxa jartzen eskola ondoko zuhaitzetako batean.

Herri Eskolako LH1 eta LH2ko ikasleek Txoribox tailerra egin dute aurreko egunetan. Txoriak ezagutzeko gakoak jaso zituzten, eta negua pasatzen laguntzeko habiak prestatu zituzten.

Aranzadi elkartearen ekimena da Txoribox eta Udalaren bitartez burutu dute tailerra Elgetako Herri Eskolan abendu hasierako jai egunak hartu aurretik.

LH1eko et LH2ko ikasleek jaso zuten tailerra. Aranzadi elkarteko ordezkari bat izan zen ikastetxean eta txorien gaineko hainbat azalpen eman zituen. Habiak erakutsi zituen, arrautzen tamaina ere bai eta txoriak desberdintzen jakiteko hainbat gako partekatu zituen. 

Habi-kutxa eraiki zuten

Etxetik eramandako brik ontziekin nork bere habi-kutxa egiteko aukera izan zuen, eta etxera txoriendako janari poltsa bat eraman zuen.
 
Ortu ondoko zuhaitzetan, berriz, egurrezko habi-kutxa bat jarri zuten, eta hegaztiendako jantokia ere bai.
 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.