Goiena telebistako Harira saioan izango dira datorren martitzenean, hilak 30, Iraitz Lazkano (EH Bildu) eta Aintzane Oiarbide (EAJ). Alkateak eta oposizioko bozeramaileak askotariko gaiak izango dituzte mahai gainean. Besteak beste, Udalaren egoera ekonomikoa, berriki egindako lanak, etorkizuneko proiektuak...
Herriz herriko mahai-inguru saioa da Harira, eta Eneko Azkarate eta Goiatz Arana kazetarien gidaritzapean egiten da. Elgetari dagokion saioa ere 21:00etan eta 23:00etan izango da ikusgai Goiena telebistan.