Azaro erdialdean hasi eta otsail bukaerara bitartean, eguen oro egingo dute memoria tailerra Elgetan. Saioak kultura etxean izango dira, 10:00etatik 11:30era, eta Eguneko Zentroko terapeutak gidatuko ditu.
Aurreko urteetan egindako tailerretan moduan, askotariko funtzio kognitiboak lantzeko ariketak egingo dituzte. Oroimena, arreta eta hizkuntza landuko dituzte, besteak beste. Horrekin batera, nork bere aldetik etxean egiteko moduko teknikak ere erakutsiko ditu terapeutak. Udalak egiten duen eskaintza da, eta orain arte egindako tailerrek harrera oso ona izan dute.
Autonomia eta ongizatea
Adin batetik aurrera ohikoa da lehen ahanzturak gertatzea. Horiek atzeratzeko edo hobetzeko teknikak garatuko dituzte tailerrean. Izen-ematea doan da, eta zabalik da, azaroaren 8ra arte, udaletxean, Gizarte Zerbitzuetako bulegoan zein gizarte@elgeta.eus helbide elektronikoan.