Egunotan betetzen dira 85 urte Intxortako frontea ezarri zela eta urteurrena gogora ekartzeko antzeztutako bisita gidatua eta lore eskaintza egin dituzte gaur. Hori bai, euriak erabat baldintzatu du Intxorta 1937 kultur elkarteak eta Elgetako Udalak gaurko antolatuta zutena.
Ibilbide baten oinarritutako bisita gidatu antzeztua izan behar zuena ia ibilbide barik geratu da. Plazan eta inguruetan egin dute antzezpena, "euritik babestuta", ordukoa gogora ekartzearen ardura izan duten 37 boluntarioek. Antolatzaileek inprobisazioz jokatu behar izan dute, eta aurrez egindako lan guztia egokitu. Herriko antzezpenaren ostean, 14:00etan, lore-eskaintza egin dute Salbadorren.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.