Pozik hartu zuten aitortza bi boluntarioek. Azpimarratu zuten jende askoren laguntzarekin egin dute lan ia lau hamarkadatan. Aipatu berezia egin zieten Eli Arantzabali eta Itziar Olaberi. "Saria merezi dute, baita ere, deialdia egiten den aldiro odola ematera etortzen diren elgetar guztiek. Haiei eskerrak!".
Mariasun Agirrek eta Mari Carmen Ojangurenek ia 40 urte egin dituzte Elgetako ordezkari Gipuzkoako odol-emaileen elkartean. Ozkarbi elkarteak hartu du orain erreleboa, eta, hain zuzen, astelehenean egin ziren lehen odol-ateratzeak arduradun berrien ardurapean. Udalak aukera baliatu zuen bi elgetarrei aitortza egiteko. Plaka bana jaso zuten Iraitz Lazkano alkatearen eta gizarte ongizateko zinegotzi Garbiñe Irazabalen eskutik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak