Martitzenetan izango dira hiru saioak; hilaren 14an, 21ean eta 28an. Elgetan aurretik ere ezaguna den Saroa Bikandik gidatuko ditu eta 18.00etan hasiko dira. "Masajeak eskaintzen duen ez hitzen komunikazioaz baliatuz eta ipuinak, poemak, hitzen jokoa, kantuak, jolasak, liburuak... eskaintzen dizkiguten beste komunikazio mota erabiliz sortuko dugu giro lasaia, eta xamurra", azaldu du.
2021ean, 2020an eta 2019an jaiotako neska-mutikoendako tailerra da. Haur bakoitzarekin heldu bat gerturatu daiteke.
Edukiera muga eta antolaketa neurriak direla eta izena ematea beharrezkoa da. Hemen da bete beharreko formularioa.
Liburutegian zein udaletxean ematen dituzte xehetasun gehiago.