Hiri-altzarien eta hilerriaren inguruko kezka adierazi du Elgetako EAJk

Uxue Igarza Loiola 2021ko uzt. 28a, 10:11

Ekaineko bilkuran, parkeen eta lorategien aurrekontua igotzea onartu zen, eta azkenean, 18.000 euroko partida dago horretarako. Nolanahi ere, EAJk ez du uste praktikan aurrerapausorik egin denik. Bestetik, hilerria egokitzeko aurrekontua eskatu den arren, jeltzaleek prozesua azkartzea nahi dute.

Apirilean salatu zuten jeltzaleek "hiri-altzarien utzikeria"; eta orain, ohar bidez ohartarazi dute udak aurrera egiten duela eta ez dutela mantentze lanik ikusi: "Hainbat urte daramatzate inolako konponketarik edo mantentze-lanik gabe, eta udalerri triste eta apatiko baten itxura ematen diote Elgetari".

Bestetik, hilerriaren egoeraz ere jardun dute jeltzaleek; elizako teilatuaren konponketa eta kanposantura heltzeko irisgarritasuna dira haien kezka nagusiak. Arrapala egiteko aurrekontua eskatuta dagoen arren, EAJk "lanak azkartzea" nahi du.

Bukatzeko, Karabietan aparkaleku bat egiteko lizentzia eman izana ere salatu du EAJk : "Pasealekua eta oinezkoentzako elementuak zaindu beharrean, ibilgailuaren erabilera sustatzeko parkingaren aldeko lizentzia eman dute".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak