L'Olla de Nuria mendi lasterketan podiumera igo da elgetarra aste bukaeran. Lasterketa bikaina egin ostean hirugarren postuan helmugaratu zen Oihana Kortazar 2:35:25 denbora eginda.
Inoizko edizio bizkorrena izan da aurtengoa. Bai nesketan eta baita mutiletan ere orain arteko errekorrak hautsi dituzte.
Errekorrak
Emakumezkoen kasuan, XIV. edizio honetako azkarrena Maude Mathys izan da, 2:21:52 denborarekin. Orain arte Mireia Mirok zuen lasterketa errekorra, 2011an egindako 2:36:00 denborarekin.
Mutilen kasuan, orain arteko errekorra Kilian Journetek izan du, 2009an lortutako 2:14:56 denborarekin; bada, domekan errekorra hautsi zuen Stian Angermundek, 2:04:16ko denbora eginda.