Zabalik da behin-behinean izena emateko epea. "COVID-19aren egoeraren arabera zehaztuko da zenbat plaza dauden, eta horren arabera egingo da plazen banaketa", azaldu dute udal ordezkariek. "Izen-emateak baino plaza gutxiago egonez gero, lehentasuna izango dute zerbitzuaren ordutegian gurasoak lanean dituztela ziurtatzen dutenek. Gomendagarria da izena emateko orriarekin batera ziurtagiriak aurkeztea".
Prezioa 110 euro da. Aurreratu dute hobariak egongo direla errentaren arabera zein bizikidetza unitate bereko haur batek baino gehiagok izena emateagatik.
%70erainoko hobaria aurreikusten da errenta txikientzat, eta hobari hori aplikatzeko beharrezkoa izango da 2020ko errenta aitorpena aurkeztea. Bestalde, %30eko hobaria aplikatuko da bizikidetza unitate bereko haur batek baino gehiagok izena emateagatik.
Udal webgunean dago izena emateko orria.
Hezitzaileen lan poltsa ere zabalik
Astelehenera bitarte –maiatzak 17– dago zabalik, bestalde, ludoteka, gazteleku eta udako aisialdiko begiraleen lan-poltsan izena emateko aukera. "Lehendik lan-poltsan zeudenek ere ziurtagiriak aurkeztuz hobetu ahal izango dute puntuazioa", azaldu dute udal ordezkariek. Argibide gehiago hemen.