Mirari Martiarena Iraola (Oiartzun, 1986) eta Idoia Torregarai Martija (Usurbil, 1974) Espaloian izango dira domekan. Bideberri mankomunitateak antolatuta, Luze edo motz umorezko bakarrizketa saioa egingo dute, 18:30ean.
Pilota jokoarekin lotutako esapide ugari erabiltzen dituzte. Bietan nor hasiko den ere txapa botata erabakiko dute. "Eguneroko gauza txikiak kontatzen ditugu", aurreratu dute irribarre bihurriarekin. Hilekoa, menopausia, emakumeen masturbazioa, ligatzeko kontuak eta sexua dituzte hizpide, besteak beste. Argitu dute Luze edo motz ez dela soilik emakumeendako.
Urrian estreinatu zuten, eta ordutik eman du zeresana, inprobisazioak badu-eta espazioa. Elgetako saioak zer emango duen domekan ikusiko da.
Sarrera hemen erreserbatu daiteke.
