11:30ean izan dute ezbeharraren berri larrialdi zerbitzuetan. Hankan hartu du min mendizaleak eta suhiltzaileek jaitsi dute Karabietara. Zain zegoen anbulantzian eraman dute Arrasateko ospitalera.
Lesioa zenbaterainokoa den zehaztu barik eman dute erreskatearen berri larrialdi zerbitzuetatik. 11:30ean jaso dute abisua, eta suhiltzaileak arduratu dira mendizalea Karabietako bidegurutzeraino jaisteaz. Ez dute helikopteroaren beharrik izan.
Karabietan zain zegoen anbulantziak eraman du zauritua Debagoieneko ospitalera, Arrasatera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.