Udaletik jakinarazi dute administrazioko bulegoak itxita egongo direla. Itxita egongo dira, baita ere, liburutegia eta kirol eskaintza zerbitzua. Udal brigadako langileak lanean izango dira eta garbitzaileak ere bai.
Zabalik izango da, baita ere, ludoteka zerbitzua.
Herri Eskolari dagokionez jakinarazi dute irakasleen %100 egin duela bat greba deialdiarekin, eta ondorioz, ez dela eskolarik izango bihar. "Legeak behartzen gaituen bezala, zerbitzu minimoak eskainiko dira eskola ordutegian. Zerbitzu hauek ere COVID egoerak baldintzatuko ditu. Bestalde, greba honek jangela zerbitzuan ez du eraginik", gaineratu dute.
Haur eskolatik jakinarazi dute zerbitzu minimoak eskainiko dituztela. Zerbitzua zazpi orduz egongo da zabalik eta bi hezitzaileak "nahitaez" egongo dira bertan. Gaineratu dute: "Haur eskolako familia askok bat egiten dute grebarekin".
ELA, LAB, CCOO, SATSE, STEILAS eta ESK sindikatuek egin dute biharko greba deialdia alor publikoan. Grebarekin zerbitzu publikoen defentsa egin nahi dutela azaldu dute. Aldarrikatzen dituzten, besteak beste, enplegu publikoa sortzea eta behin-behineko langileak behin-betikotzea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak