Zapatuan, martxoak 6, beteko dira hamahiru hilabete Zaldibarko zabortegia amildu zela. Zaldibar Argitu plataformak ekitaldia deitu du Eitzagan, 12:30erako, eta hainbat martxa egingo dira haraino.
Elgetatik abiatuko den herritar taldea 11:30ean irtengo da plazatik, eta joan-etorria oinez egingo du. Beste hiru martxak Eibartik, Ermutik eta Zaldibartik irtengo dira. Amildutako zabortegi aurrean elkartuko dira guztiak eta 12:30ean ekitaldia egingo dute, 394 egun. Joaquin eta Alberto gogoan. Argitu arte jarraituko dugu lelopean. Bi hildakoen herrietan –Zalla eta Markina– elkarretaratzeak egingo dituzte egun berean.
Zabortegian gertatutakoa eta Joaquin Beltran eta Alberto Sololuze langileak gogora ekar- tzeko antolatu ditu ekintzok Zaldibar Argitu plataformak. Horrekin batera erantzukizunak eskatzeko.
