2020ko errolda datuen arabera, hamahiru biztanle gehiagorekin amaitu zuen iazko urtea Elgetak. Udalak emandako datuen arabera, 2020ko urtarrilaren 1ean 1.131 biztanle zeuden erroldan izena emanda, eta Urtezahar egunean 1.144 ziren.
Jaiotzen eta heriotzen arteko aldea ere positiboa izan zen iaz. 2020ko urtarrilaren 1etik 2020ko abenduaren 31ra bitartean, hamalau haur jaio ziren Elgetan: zortzi mutil eta sei neska. Txanponaren beste aldean, heriotzak zortzi izan ziren: bost emakume eta hiru gizon hil.
2020ko langabezia datuak
Urte osoko argazki orokorra atera daiteke, baita ere, langabezia datuei dagokienez. 34 langaberekin eta %5,89ko langabezia tasarekin eman zitzaion hasiera 2020ari Elgetan, eta datu horiekin amaitu zen urtea. Tartean, zazpi hilabeteko goranzko joera jarraitua eta beste bost hilabeteko jaitsiera izan dira. Uztailean jo zen goia, 58 langa- berekin eta %10,05eko tasarekin. Handik aurrera, beheranzko joera izan da, urte hasierako datuetara itzuli arte.