"Ikasturte hasieran definitu ziren segurtasun neurriekin irekiko da zerbitzua, eskolako burbuila-taldeak errespetatuz eta higiene zein segurtasun neurri zorrotzak aplikatuz", azaldu du Kiroletako zinegotzi Ibai Etxanizek. "Musukoa erabiltzea derrigorrezkoa izango da, eta aldagelak itxita egongo dira".
LH-3ko neska-mutikoen saioak astelehenetan eta eguaztenetan izango dira, 16:30ean. Martitzenetan eta eguenetan izango da LH-4 eta LH5-6 taldeen txanda. Lehenengoak 16:30ean elkartuko dira eta gainerakoak, 17:30ean.
Zerbitzua etenda egon den denbora tartea dela-eta ordaindutako kuotaren erdia itzuliko dela jakinarazi du Udalak.