Auto asko elkartu dira, horietatik dezente gurpil egokirik gabe ziren eta Kanpanzar errepidean, gainera, zuhaitz bat zegoen zirkulazioa oztopatzen.
Auto-gidari ugarik arazoak izan dituzte buelta emateko, beste batzuk kateak ipini behar izan dituzte sartutako zulotik ateratzeko, eta beste asko ez atzera ez aurrera gelditu dira tresna egokirik gabe etorri direlako.
Elurra kentzeko makinak lanean dira, bai Udalarena bai Gipuzkoako Foru Aldundiarena, baina errepide guztiak ez dira berdin garbitzen eta Bergarakoak du lehentasuna.
Adi, beraz, kanpotik etorriz gero. Autoak ezin dira edonon aparkatu horrek besteen zirkulazioa eta elurra kentzeko makinen lana oztopatzen duelako.
Ahal dela autorik ez erabiltzeko gomendioa egin du Udalak.