Abenduaren 23arekin egiten du bisita, urtero, Olentzerok. Aurten, Mari Domingi ere etorri da Elgetako neska-mutikoekin elkartzera eta gehiagotan ere etorriko dela esan du. Espaloia kafe antzokian zeuden biak umeen zain, 16:00etarako. Pozik eta oso urduri sartu ziren txikienak. Haiek izan ziren lehenengoak. Jarraian etorri ziren gainerakoak nor bere gonbidapenarekin eta bere taldeari egokitutako ordutegia errespetatuz.
Seigarren mailako neska-mutikoek gertatutako postontzi handi batean joan ziren Mari Domingirentzat eta Olentzerorentzat idatzitako gutunak uzten. Talde bat irtetean sartzen zen hurrengoa.
Gutun guztiak Intxortako txabolara igo dituzte Mari Domingik eta Olentzerok. Denak irakurri eta gaur gauean beste bueltatxo bat egingo dute Elgetara. Badute makinatxo bat lan!