Eibarko eta Elgoibarko gaztez osatutako taldea da Mugi panderoa. Bihar, abenduak 3, Euskararen Eguna da eta Udalak antolatuta emanaldia egingo dute Espaloia kafe antzokian. Dantzarako premia handia izango du batek baino gehiagok, baina pandemia egoera dela-eta neurri bereziak hartuko dituzte antolatzaileek. Kultura zinegotzi Ane Bilbaok aurreratu duenez leku kopurua mugatua izango da, baina ez da erreserbatu beharrik izango. "Erromeria taldea da, baina egoera berri honetara egokitu dute kontzertua eta jarrita ikusteko modukoa izango da".
