Rakel Gamito Euskal Herriko Unibertsitateko irakaslea eta ikertzailea da, eta eguen arratsaldean izango da Elgetan. Segurtasun neurriak direla-eta Espaloia kafe antzokian izango da tailerra 17:30etik 19:00etara, eta garrantzitsua da aurrez izena ematea hemen.
Lehen Hezkuntzako bosgarren eta seigarren mailako ikasleen familiei dago bereziki zuzenduta, baina baita ere interesa duten ikastetxeko gainerako familiei ere. Segurtasun digitalaren izango dute hizpide. Hain zuzen ere LH5 eta LH6 geletako ikasleek bariku goizean jaso zuten gaiaren inguruko tailerra, eta irakasleek eguerdian. "Familiak animatu nahi ditugu parte hartzera gai oso interesgarria eta gaur egunekoa baita! Gainera aukera paregabea da Rakel Gamito Elgetan bertan edukitzea, IKT-etan eta segurtasun digitalean aditua baita", azaldu dute ikastetxetik.
