"Ikusita zelako urtea daramagun, proposamen orokorra da zergak eta ordenantzak izoztea, eta 2021erako igoerarik ez planteatzea", azaldu zuen Iraitz Lazka- no alkateak aurreko astean egindako ezohiko osoko bilkuran.
Proposamen orokor horren barruan hiru salbuespen egongo zirela zehaztu zuen. Tutoretzapeko etxebizitzako jangela zerbitzuaren prezioa 6,84 euro izango da eguneko. "Eulenekin daukagun kontratua urtero aktualizatzen da, eta guk ere prezio bera jartzen dugu tasetan galerarik ez edukitzeko".
Frontoia argiarekin alokatzea, berriz, merkatu egingo da. "Egunotan ipiniko dituzte LED proiektoreak. Orain arte prezioa orduko 16 euro bazen, aurrerantzean, 12 euro izango da. "Proportzio bera aplikatuko da alokairua bada egun erdikoa, egun osokoa...".
Bestalde, tasa berri bat sortuko du Udalak: grabaketa zinematografikoak egiteko lur publikoa erabiltzeagatik eta bide publikoa okupatzeagatik. "Ez zegoen, eta sortu egingo dugu. Metro karratu eta eguneko bi eurokoa izango da".