Liburutegiaren Eguna ospatzeko, ipuin kontalari saio berezia izango da gaur, Espaloia kafe antzokian. Ttipia Produkzioak taldeko Mikel Hernandezek egingo du Ganbaran ikuskizuna, eta ipuinak eskainiko ditu, 17:00etan. Liburutegian egitekoa zen hasieran, baina antzokian izango da azkenean.
Liburutegiak, bestalde, liburu zozketa egingo du, urtean zehar liburuak mailegatu dituzten erabiltzaileen artean.