Hasieratik bideratu zuen garaipena Kortazarrek. Barikuan jokatu zen lehenengo etapa, etapa erregina, 32 kilometro eta 1.640 metroko desnibel positibokoa. Kortazar izan zen azkarrena, eta errekorra ere lortu zuen. Bere denbora: 4:01:03 . Vigoko lasterkari Aroa Sio izan zen bigarrena (4:10:05).
Biharamunean jokatu zuten probako bigarren etapa, 43 kilometrokoa eta 2.220 metroko desnibel positibokoa. Hemen ere Kortazar izan zen emakume azkarrena. Bere denbora 4:21:21. Aroa Sio galiziarra izan zen, hemen ere, bigarren postuan (4:48:11).
Hirugarren eta azken etapa domekan jokatu zuten, eta hirugarren egunez jarraian elgetarra nagusitu zen. Bere denbora 3:22:04. Beste behin, Aroa Sio izan zen bigarren (3:41:48).
Pozik da elgetarra egindako lanarekin. Jakinarazi du Azores Trail Run lasterketan izango dela hurrengo. Urriaren 29tik azaroaren 1era jokatuko da. Lau etapa eta 126 kilometroko lasterketa da.