Gipuzkoako Trafiko Lurralde Bulegotik jakinarazi dute tropela igarotzeko moztu egingo dutela zirkulazioa. Ordutegi zehatza ematea zaila bada ere aurreikusi behar da gorabeherak izango direla Elgetako errepideetan 15:30ak eta 17.15ak artean.
Tropelak Epeletik abiatuko du Kanpanzarrerako igoera. 16:14ean aurreikusten da Kanpanzarren egotea. Hortik, Elgetara eta Elgetatik Karabietara egingo dute txirrindulariek. Kalkulatuta dago Karabietatik 16:15 aldera pasako direla.
Bergaratik igoko dira, berriz ere, Elgetara. Rutometroaren arabera 16:55ak aldera hasiko dira igotzen Bergaratik eta Ubera (16:59ean) eta Elgeta (17:04ean) pasa ostean Karabietatik (17:08ean) egingo dute Arratera.
Esan moduan, ordutegi horiek aurreikuspenak dira; izan ere, tropelak markatzen du lasterketaren erritmoa. Tropela iritsi aurretik itxiko dute zirkulazioa eta azkena pasa arte ez da berriz zabalduko.