Zabalik da ludoteka ere.
Astelehenean hasi ginen. 3 urteko bi, LH-1eko bat, LH-2ko hiru eta LH-6ko bat ditugu. 16:00etan jasotzen ditugu eskolatik gehienak.
Izen ematea zabalik da?
Plaza kopurua beteta dago. Itxaron zerrenda zabalik dago. Eskaera gehiago egonez gero aztertuko genuke nola erantzun. Eguneko bonurik ez dago aurten. Egoerak ezinezko egiten du. Urte osoko bonua eta hiru hilabetekoak daude.
Egokitzapenik egin duzue?
Sarreran termometroa, gela eta erabiltzaile bakoitzeko aulki bat eta kutxa bat ditugu. Askaria egiteko bakoitzak bere eserlekua du, eskulanak egiteko nork bere materiala, jostailuak egunero aldatzen dira, egunero egiten dira garbiketa lan bereziak, ludoteka ahalik eta gehien aireztatzen da...
Programari dagokionez?
Eguraldi ona bada, kanpo espazioa erabiliko dugu; eta barruko ekintzak berrasmatu egin beharko ditugu.
Goizeko zaintzarik badago?
Maala guraso elkarteak antolatzen du eta zabalik da izen ematea. Zerbitzua ludotekan emango da aurten. Iaz, bospasei erabiltzaile ziren.
