Apirilean eman zuten sarien berri, baina COVID-19ak eragindako pandemiaren ondorioz, sarituek ez zuten sari banaketa ekitaldirik jaso. Barikuan egin zuten, azkenean. Leire Sangroniz elgetarrak ere Martin Etxauriren erakusketaren inaugurazioan jaso zuten garaikurra, Donostian.
Dibulgazio-artikulu onenaren CAF-Elhuyar Saria eskuratu zuen kimikan doktorea den elgetarrak. Doktore-tesian oinarritutako artikulua izan da saritua. Bertan, polimero birziklatu aurreratuen garapenaren inguruan plastiko-hondakinei bizitza berri bat ematearen gaia landu du zientzialari elgetarrak.
Beste bi sarituak Galder Gonzalez Larrañaga eta Josu Lopez Gazpio izan dira. Ana Zubiaga Elordieta genetikako katedradunak Elhuyar Fundazioaren Merezimendu Saria jaso du.
