"84 urte bete dira gaur geldiezina zirudien faxisten oldarraldia zapuztu zutenetik. Intxortako Atean elkartu gara Elgetako Udaleko eta Intxorta 1937 kultur elkarteko ordezkariok gertaera haiek gogoratzeko eta erresistenteen omenez lore eskaintza xume bat egiteko", azaldu dute bertaratutakoek.
Intxortako Atean elkartu dira Intxorta 1937 kultur elkarteko kide Nerea Villa eta Jon Etxezarraga zein Iraitz Lazkano alkatea buru zela Elgetako udal ordezkari Sebastian Arantzabal, Ibai Larrañaga, Garbiñe Irazabal, Aintzane Oiarbide, Irune Berasaluze eta Josu Leturia. "Bestelakoa behar luke gaurko egunak. Bi astez memoria jardunaldietan askotariko gaiak jorratu ondoren, gaur Debagoieneko gerrako haurrei omenaldia egitea zen gure asmoa, baina COVID19 gaitza dela eta, ezinezkoa izan zaigu. Ez dugu, ordea, asmo hau alde batera utziko, eta egoera hobetutakoan merezi duten omenaldia jasoko dute txiki txikitatik gerra eta erbestea ezagutu behar izan zuten debagoiendarrek".
