Bi odol-ateratze egun izaten dira Elgetan, urtean. Udaberrian egin zuten lehenengoa eta gaur, irailak 14, egingo dute bigarrena. Pandemiarekin lotutako segurtasun neurriak bete ahal izateko gimnasioan egingo dituzte odol-ateratzeak. Normalean udaletxean egiten dira, eta udaberrian gimnasioan egin ziren.
Maskara kirurgikoak erabiltzea derrigorrezkoa izango da eta emaileei beti egiten zaizkien galderei pandemiarekin lotuta bestelakoak ere egingo zaizkie: sukarrik izan duzu? kontakturik izan duzu positiboren batekin?...