Bozeramaile Janire Lazkanoren esanetan, argi izpi bakarra ikusi da hilabete hauetan, eta hain zuzen, abuztuan, Alberto Sololuzeren gorpuzkiak azaldu zirenean gertatu da hori. "Eskatzen dugu Joaquin aurkitu eta handik ateratzeko, eta agintariei, ingurugiroaz eta gure osasunaz ardura erakusteko. Zazpi hilabeteren ondoren, erantzukizunak hartu gabe daude". Lazkanok gaineratu du, atzo Iñaki Arriola berriz ere sailburu izango dela iragartzea ulertezina dela, eta Zaldibarkoa argitu artean inolako kargu publikorik ez izatea eskatu dute.