Berraondokua poligonoko garaje batean gama altuko hiru bizikleta lapurtu dituzte bart gauean. Bizikleta profesionalak dira eta bakoitzak bost mila euroko balioa dauka. Eguerdiko hamabiak inguru jarri dute salaketa Bergarako Ertzain etxean eta ikerketa zabalik dago.
Ertzaintzak GOIENAri adierazi dionez, bigarren salaketa bat ere jarri dute lapurreta saiakera bat medio. Poligono berean dagoen tailer batera sartzeko saiakera egin dute. Bietan ateko bonbina bortxatu dute. Ertzaintza bi salaketak aztertzen ari da eta ikerketa abian du. Lapurreta eta lapurreta saiakera atzo gaueko bederatziak eta gaur goizaldera bitartean gertatu dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.