Elgetan EH Bildu gailendu da, 309 boto eskuratuta

Botoen %53,18a eskuratu du EH Bilduk, aurreko hauteskundeetan baino ia 7 puntu gehiago. EAJk botoen %34,42a eskuratu du, eta 2016an baino emaitza kaskarragoak eskuratu ditu.

EH Bildu izan da indar bozkatuena Elgetan, botoen %53,18arekin, eta 2016an lortutako emaitzak dezente hobetu ditu EH Bilduk (2016an botoen %46,28a eskuratu zuten). EAJk, bestalde, botoetan behera egin du, jeltzaleek 200 bozka eskuratu dituzte-eta, 2016an baino 27 gutxiago. Hirugarren indarra Elkarrekin-Podemos izan da 33 botorekin, eta alderdi moreak dezente egin du behera botoetan, 2016ko datuekin alderatuta (58 boto lortu zituen).

Laugarren indar bozkatuena EQUO-Berdeak izan da 11 botorekin, eta PP-Ciudadanos eta PSE-EEk 8na boto eskuratu dituzte. Azken bi alderdiek behera egin dute, sozialistek 21 bozka eskuratu zituztelako, eta PPk eta Ciudadanosek, bien artean, 13 boto eskuratu zituztelako.

Parte-hartzeak behera egin du 2016ko datuekin alderatuta, eta horrenbestez abstentzioak ia lau puntu egin du gora, %28,44tik, %31,93ra.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.