"Udaberriaren zati handi bat etxean pasata, aurtengo lehen irteera udan egitea tokatzen zaigu", adierazi dute Elgetako Kantsatzeke mendi taldetik. Uztailaren 12an egingo dute, domekan eta Aralar aldera joango dira. "Lizarraustitik atera, Puttarrira igo (1.299 m) eta, gero, Lareoko urtegi aldera jaitsiko gara, berriz ere Lizarraustira bueltatzeko. Lau ordu eta erdi edo bost ordu beharko ditugu, indarren, momentuan aukeratzen dugun bidearen eta bokadilloaren tamainaren arabera –bakoitzak berea, badakizue ezin dela konpartitu eta–. Ibilbide polita, pago artetik gehiena, Gipuzkoako eta Nafarroako muga artean".
Prezioa da hamar euro eta eguena da izena emateko azken eguna. Interesatuek kantsatzeke@gmail.com edota 690 74 00 56 whatsapp zenbakia dituzte eskura. Facebook orrialdea ere bai, noski.
Antolatzaileek gogorarazi dute derrigorrezkoa izango dela maskara eramatea autoan joateko. Adin txikikoa, berriz, nagusi baten ardurapean soilik onartuko dira.
