Iraitz Lazkanok adierazi duenez, gainera, Udalak ezarritako edukiera ez da gainditu eta ez da gaztetxorik kanpoan geratuko. Hamabost gaztetxoekin batera hiru hezitzaile arituko dira eta gurasoek dagoeneko izan dute hezitzaileekin bilera, zerbitzuaren nondik norakoak ezagutzeko asmoz.
Nerea Villa izango da uztaileko zerbitzuan arituko den hezitzaileetako bat, eta aurreratu du aurtengo elkargunea eskola izango dela eta umeei sarreran oinetakoak desinfektatuko zaizkiela. Lehenengo egunean, esate baterako, koronabirusaren inguruko jarduerak egingo dituzte eta altxorraren bila edota ur-jolasak izango dira bestelako jarduera batzuk.