Gaur ziren hastekoak Elgetako Ferixa Nagusiko jaiak, baina osasun krisiak eragindako egoerak ez du hori ahalbidetu. Hala ere, gaur, Goienak, jaien inguruko saio berezia eskainiko du 18:00etan hasita, eta Miren Arregi kazetariarekin batera izango dira jaietan protagonista izaten diren hainbat herritar.
Elkarrizketez, erreportajez edota musikaz gozatzeko aukera izango da eta jaietan ospatzen diren ohiko ekintza batzuk gertutik ezagutzeko aukera egongo da, besteak beste, herri bazkariko paella eta azoka. Iraitz Lazkano alkatea eta Ane Bilbao zinegotzia ere izango dira saioan eta Beñat Egidazu alkate txikiak mezu bat bidaliko die elgetarrei.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.