Torrealdea auzoan ekain erdialdean ospatzen dituzte Beheko kaleko jaiak. "Bizi dugun egoera dela-eta ezingo ditugu Beheko Kaleko jaiak aurreikusitako datan ospatu. COVID19aren ondorengo normaltasun berria fasean sartuko garela kontuan hartuta, hartu beharreko neurriekin jaiak uztailean ospatzeko asmoa daukagu", adierazi dute jai batzordetik. "Hau modu egokian egiteko gomendioak eskatu ditugu Udalean", zehaztu dute.
Jai batzordeak ez du data berria zein izango den adierazi. Hala ere, jaiak finantzatzen laguntzeko zozketak antolatzen hasiko dela iragarri du. "Laster hasiko gara auzoko jaiak aurrera eramateko saskien zozketekin Hartu zure zenbakiak!", jakinarazi dute.
