"Elgetako Kutxanbakeko bulegoaren itxierari ez!", adierazi du alderdi politikoak gaur helarazitako prentsa oharrean. Gogorarazi dute bulegoa itxi egingo dutela eta kutxazaina zerbitzua bakarrik geldituko dela Elgetan. "Kontuan izan behar da Elgetan ez dagoela zerbitzu hori eskaintzen duen beste entitaterik. Beste herri batzuetara joan behar izango garela oinarrizko operazioak egitera. Honek sortuko duena da hainbat jenderen autonomia galtzea, norbaiten laguntza behar izatea kutxako operazioak egiteko".
Adierazi dute bat egiten dutela Xalbadorpe erretiratuen elkarteak hasi duen sinadura bilketa kanpainarekin. "Onartezina iruditzen zaigu 2019an 352 milioi euroko irabazi garbiak izan dituen banketxe batek halako neurriak hartzea (...) Ez delako justua, ez delako onargarria, Elgetako Kutxabank ez itxi!".
