Zaldibar Argitu plataformak elkarretaratzeak deitu ditu biharko, maiatzaren 16an. Ehun egun betetzen dira zabortegian luizia gertatu zenetik, eta oraindik ere lurpean desagertuta daude Alberto Sololuze eta Joaquin Beltran langileak.
Zaldibarren 13:30ean egingo dute elkarretaratzea udaletxeko plazan, Elgeta 19:00etan herriko plazan eta Zallan 20:00etan Euskadi plazan. Alarma egoeragatik ezarritako segurtasun neurriak errespetatuz gauzatuko direla ziurtatu dute. Besteak beste, elkarretaratzean parte hartzen dutenen artean bi metroko distantzia mantenduz.
Ikerketa egingo du Bruselak
Europako Batzordeak Zaldibarko zabortegiaren luizia, bestalde, Zaldibarko zabortegian gertatutakoa ikertuko duela jakinarazi du aste honetan. Zabortegian "akats garrantzitsuak" daudela adierazi du Bruselak, eta kasuaren "larritasunagatik" egingo du ikerketa.